skakel-081966
 
top20btn

‘n Zimbabwiese minister, Martin Dinha, is volgens berigte in hegtenis geneem omdat hy na bewering omkoopgeld van ‘n wit boer geëis en ontvang het in ruil daarvoor om te voorkom dat die boer van sy plaas afgesit word.

Dinha, wat Sentraal-Masjonaland se minister van provinsiale aangeleenthede is, het glo 60-duisend dollar van die tabakboer, Guy Frank Dollar, geëis.

Dollar is een van die min wit boere wat oorgebly het ná president Robert Mugabe se omstrede grondhervormingsprogram.

Dinha is uit op borgtog van ‘n duisend dollar nadat hy Woensdag in ‘n magistraatshof in Bindura verskyn het.

Sy saak sal van 19 Oktober af in die hooggeregshof aangehoor word.

’n Suid-Afrikaner wat sedert 2013 in ’n tronk in Ekwatoriaal-Guinee aangehou is, is vrygelaat.

Die 49-jarige Danie Janse van Rensburg van Hoekwil naby Wildernis was in 2013 in Ekwatoriaal-Guinee om ’n huurooreenkoms vir ’n vliegtuig te finaliseer toe die transaksie skeefgeloop en hy verhinder is om die land te verlaat.

Hy is later vrygespreek, maar is onlangs weer van die wanbesteding van geld aangekla voordat die saak teen hom teruggetrek is.

Die Nasionale Polisiekommissaris, Riah Phiyega, het aan president Jacob Zuma gesê sy het meer tyd en nog inligting nodig om te antwoord op sy brief waarin hy haar waarsku oor ’n moontlike skorsing.

Die president het Phiyega op 20 Augustus ingelig van sy voorneme om ’n ondersoek aan te vra na die bewerings van wangedrag en/of onbekwaamheid vir haar pos.

Hy het haar ’n geleentheid gegee om teen 26 Augustus geskrewe voorleggings aan hom te gee oor waarom sy nie geskors moet word nie.

Die presidensie sê in ‘n verklaring Phiyega het Zuma ingelig dat sy dit nog nie kon doen nie.

Nedbank
Pick n Pay
Paratus
Sample01
Sample02
Sample03
  • spec-savers.jpg
  • m+z-group.jpg
  • Erindi-Ad.jpg
Kosmos aanvaar geen aanspreeklikheid vir die gebruik van en die akkuraatheid van die inhoud van die webtuiste nie.



clearcreative-logo
© Copyright 2015 , All Rights Reserved
Kontak Ons
+264 61 255 985
+264 61 255984
info@kosmos.com.na
verkeer@kosmos.com.na
www.kosmos.com.na